Synopsis: There is a certain responsibility one has when carrying a firearm. George Zimmerman and Christopher Deedy should not have been able to carry a firearm or be able to in the future.
Aloha nö ka ‘ohana o Trayvon Martin i ka lohe ‘ana aku i ka ‘ölelo ho‘oholo a ke Kiure e hö‘ike ana, ‘a‘ole i pili ‘o George Zimmerman i ka hewa ma ke k? ‘ana aku iä Trayvon i ka pü a make. He mea minamina nö ka make ‘ana o Trayvon, no ka mea, ua hiki ke hö‘alo ‘ia. Ke ‘ole e kuhihewa ko ‘oukou mea käkau, i ke kähea ‘ana aku o Zimmerman i ke Ke‘ena Mäka‘i o Kanapola, ua ha‘i ‘ia ‘o ia, ‘a‘ole e hahai aku i ke kanaka (Trayvon). Akä, ua ho‘okö ‘o Zimmerman i ia ‘ölelo? ‘A‘ole. ‘O kona hahai akula nö ia iä Trayvon, a ‘o ka hopena, ‘o ke kino make nö o Trayvon me ka ‘ölelo ‘ana o Zimmerman, ua k? aku ‘o ia i ka ‘öpiopio no ka mea, ua maka‘u ‘o ia o pepehi ‘ia ‘o ia e ka ‘öpiopio a make. Inä i maka‘u kahi kanaka makua e pa‘a ana ka pü ma kona lima i kahi ‘öpiopio p?lahilahi, pehea lä ka maka‘u o ia ‘öpiopio i ke kanaka makua pu‘ipu‘i e pa‘a ana ka pü ma kona lima?
A ‘o kekahi, inä ‘a‘ole i hahai ‘o Zimmerman iä Trayvon, inä ‘a‘ole i kau kona weli i kahi ‘öpiopio a ‘a‘ohe wahi ola i pö‘ino. No laila e kau nei ka n?nau, “No ke aha lä i ho‘okuli ai ‘o Zimmerman i ka ‘ölelo a ka mäka‘i, ‘a‘ole e hahai aku i ke kanaka?” ‘Eä, ‘a‘ole paha ‘o ia i a‘o i ka ‘ölelo kahiko, ‘o ia ho‘i, a‘o i ke koa, a‘o nö i ka holo. A ua a‘o nö paha ‘o ia a pa‘a ia ha‘awina, akä, ‘a‘ohe mea e holo ai ke pa‘a ka pü ma ka lima. A ‘o ia nö ke kumu e kau a‘ela ia po‘omana‘o i luna, ‘o ia ho‘i, i koa nö paha i ka pü. Inä ‘a‘ohe pü a Zimmerman, inä ‘a‘ole ‘o ia i hahai aku iä Trayvon. ‘A‘ole ho‘i e hihi, he pü kä Zimmerman a ua make nö ‘o Trayvon iä ia.
I këia manawa, ke ho‘okolokolo ‘ia nei kahi hihia ‘ane like ma Hawai‘i nei. ‘O ka hihia ia o Christopher Deedy no kona k? ‘ana aku iä Kollin Elderts a make. ‘O Deedy, he ‘äkena pekelala ‘o ia a kohu mea lä, he hiki nö ke pa‘a ka pü me ia ma nä wahi a pau äna e hele ai. Akä, ke hana ke kanaka pëlä, he kuleana nui nö kona, a kohu mea lä, ‘a‘ole i maopopo ia kuleana iä Deedy. Ua holoholo ‘o Deedy me ka pa‘a nö o ka pü, a inu pü ‘o ia i ka wai ‘ona i ia ahiahi a nui loa ke koa (i ka pü a i ka wai ‘ona nö ho‘i). A ‘o ka hopena, ua make nö ‘o Kollin Elderts i ia pö. ‘Eä, inä ‘a‘ohe pü a Deedy i ia ahiahi, inä e ola mau ana ‘o Kollin i këia manawa.
Pehea ana lä ka hopena o ka hihia o Deedy? E ho‘oku‘u ‘ia ana paha ‘o ia e like me Zimmerman? ‘O ka pono, e kanono ka ho‘opa‘i o Zimmerman läua ‘o Deedy. ‘A‘ole hiki i ke kanaka ke ho‘ohana aku i ka pü e like me kona makemake. He kuleana nö ko ke kanaka ke pa‘a ka pü ma kona kino. A ma muli o ka maopopo ‘ole o ia kuleana iä Zimmerman läua ‘o Deedy i make hewa ai ‘elua mau känaka i aloha nui ‘ia, ‘o ia ho‘i ‘o Trayvon Martin läua ‘o Kollin Elderts. A ‘o kahi mea maopopo, ma këia hope aku, ‘a‘ole e ‘ae ‘ia ka pa‘a ‘ana o ka pü iä läua, o make hou kekahi.
Ke hä‘awi aku nei ko ‘oukou mea käkau i kona aloha i nä ‘ohana o Trayvon Martin a me Kollin Elderts.
• E ho‘ouna ‘ia mai nä leka iä mäua, ‘o ia ho‘i ‘o Laiana Wong a me Kekeha Solis ma ka pahu leka uila ma lalo nei: kwong@hawaii.edu,
